Ликвидирани се затворениците кои земаа заложници во истражниот затвор во Ростов на Дон, соопшти прес-службата на Федералната служба за извршување на казните (ФСИН).

„За време на специјалната операција за ослободување на заложниците во СИЗО-1 на ГУФСИН на Русија за Ростовската област, затворениците беа ликвидирани, а вработените кои беа држени како заложници беа ослободени и не беа повредени“, се вели во соопштението.

Во моментов, припадниците на ОМОН (специјалната единица) ја напуштаат територијата на затворот, јавува дописникот на РИА Новости.

Според информациите на ФСИН, неколку затвореници во истражниот затвор Ростов утрово зеле двајца службени лица како заложници.

Како што прецизира членката на ХРЦ Ева Меркачева, еден од заложниците е началникот на оперативниот оддел на штабот на Федералната казнено-поправна служба во Ростов, Александар Богма. Вториот, според изворот на РИА Новости, е стражар.

Затворениците бараа превоз и можност да го напуштат затворот. Тројцата киднапери се по потекло од Ингушетија и Чеченија, додаде соговорникот на агенцијата.