Со издадени 300 милиони ковид-сертификати за нешто повеќе од еден месец, безбедносниот документ стана секојдневие во 21 европска земја. Во Франција и Германија се зголемуваат протестите кај населението кое се противи на ваквата сегрегација.

Европскиот сертификат за ковид - кој потврдува дека сте вакцинирани, имате негативен тест или сте ја надминале болеста - од корисен документ за патување стана безбедносна пропусница за секојдневнуит живот. Повеќе од 300 милиони сертификати се веќе издадени низ ЕУ и во 21 земја со истиот се пристапува на концерти,  спортски настани, свадби, барови или базени. 

Експанзијата сертификатот од ден на ден предизвика протести во земји како Франција или Германија, каде што населението кое не сака да се вакцинира, се чувствува принудено да го прифати поради помислата дека ќе остане маргинализирано.

Се чини дека дебатата ќе се интензивира уште повеќе со примената на сертификатот и за работното место по одлуката на некои земји да бараат вакцинација на здравствени работници, наставници или професионалци во контакт со ранливи популации.

Европската комисија, предводена од Урсула Фон дер Лејен, отворено го слави успехот на сертификатот како „симбол на отворена и безбедна Европа“, според официјален извор од организацијата. И изгледа неоспорно дека за само неколку недели од стапувањето во сила на 1 јули, проектот што го измисли Комисијата за да ја олесни мобилноста помеѓу земјите на Унијата стана еден од документите што од летово ќе биде погодно да се има секогаш при рака.

Системот веќе функционира во повеќе од 30 земји, вклучувајќи ги и 27 -те партнери на Унијата, плус Швајцарија, Норвешка, Исланд и Ватикан. Брисел се стреми за пионерскиот европски модел да стане меѓународен стандард. „Преземаме чекори за признавање на сертификатите издадени од други земји, иако за ова тие мора да бидат интероперабилни со системот на ЕУ и да овозможат проверка на нивната автентичност, валидност и интегритет“, рече оваа недела европскиот комесар за правда, Дидие Рејндерс.

Европскиот комитет за заштита на податоци повикува да се ограничи употребата на идниот пасош за вакцинација против Ковид за да се избегне злоупотреба

Имплементацијата на сертификатот, сепак, предизвика протести кај оној дел од населението што го смета за принудна мерка за вакцинација или како инвазија на нивниот приватен живот. Демонстрациите се засилија, особено во Франција, земјата која отиде подалеку во наметнувањето на сертификатот како безбедно однесување за бројни активности и одлуката од септември да го суспендира вработувањето и платата на персоналот од здравствениот сектор кој одбива да се вакцинира.