Последниот бран на ковида-19 во Велика Британија ги принуди авиокомпаниите, вклучувајќи ги Easy Jet & lt и British Airways, да откажат стотици летови во последните неколку дена, бидејќи бројот на болни членови на екипажите продолжува да расте.

Претходно оваа година, Англија ги укина сите ограничувања за корона вирусот, вклучително и законската обврска за самоизолација кога тестот е позитивен и потребата да се носат маски на јавни места, потсети Ројтерс.

Бројот на случаи на ковид-19 во Велика Британија почна да расте на почетокот на минатиот месец, а до крајот на неделата на 26 март се веруваше дека едно од 13 луѓе е позитивно на вирусот, што е највисока број од пандемијата.

Easy Jet & lt откажа повеќе од 200 летови за време на викендот и најави дека денеска ќе бидат откажани уште 60 летови.

British Airways, исто така, откажа мал број летови во неделата, наведувајќи дека проблемот со корона вирусот ги погодува авиокомпаниите, аеродромите и воздушниот сообраќај воопшто.