Еден час пред почетокот на седницата, опозицијата „Самоопределување" фрли солзавец во косовскиот Парламентот.

По нападот биле евакуирани пратениците и персоналот на Парламентот.

„ Опозицијата нема да молчи кога се работи за државен суверенитет, интересот на граѓаните, слободата и еднаквоста. Нашиот протест продолжува се додека не се повлечат Бриселските спогодби со Србија и од спогодбата за демаркација на границата со Црна Гора" - вели опозицијата.

Од движењето соопштија дека пуштиле солзавец и во кабинетот на претседателот на Парламентот, Кадри Весели.

Опозицијата неколку пати ја бојкотира работата на Парламентот на Косово. Само пред една недела во собранието повторно беше фрлен солзавец, а седницата беше откажана.