Во Донбас во Украина дневно гинат од 200 до 500 украински војници. 

Шефот на фракцијата на партијата Слуга на народот во Врховната Рада и шефот на украинската делегација на мировните преговори со Русија Даид Арахамија за време на посетата на САД, како што пренесува „Аксиос“ кажал дека загубите на Украина во убиени и ранети во Донбас изнесуваат и до илјада луѓе дневно. Aрахамиа вели дека бројот на жртвите значително се зголемил во последните две седмици.

Украина мобилизираше милион луѓе во армијата и може да мобилизира уште два милиони.

„Имаме луѓе обучени за напад, контранапад, но за ова е потребно оружје“, кажа тој. 

Украинскиот претседател Володимир Зеленски кон крајот на мај изјави дека земјата секојдневно губи меѓу 60-100 луѓе во Донбас, а има и по 500 ранети. 

Русите на 24 февруари ја нападнаа Украина. Иако првично сакаа и заземање на Киев, потоа се концентрираа на Донбас. Русија бара воена неутралноста на Украина, но и отцепување на територии. 

foto EPA/ LUDOVIC MARIN / POOL