Париз изгуби 750 милиони евра поради нападите.

Со туризмот се поврзани работните места на околу 500 000 луѓе во регионот Ил де Франс, кој го вклучува и Париз, еден од најпосетените градови во светот. Исламистичките напади, штрајкови и поплави ги натерале странските туристи да го одбегнуваат регионот на Париз, поради што туристичкиот сектор таму претрпе загуби од околу 750 милиони евра во првата половина на 2016 година.

„Време е да сфатиме дека секторот доживува катастрофа. Не е време за ПР кампањи, туку за создавање на план за спасување"- вели шефот на туристичкиот одбор на Париз, Фредерик Валту и додаде дека се потребни огромни инвестиции за зачувување на работните места во индустријата.

Го повика министерот за надворешни работи, Жан-Марк Еро да се состане со претставниците на локалниот туризам.

Туристичкиот сектор генерира околу 7 проценти од бруто домашниот производ на Франција.