Двојна револуција тивко почна во компанијата од Атланта -Kока кола . Најголемиот производител на безалкохолни пијалоци отвора продавници во земјите во развој , кои би можеле да го олеснат пристапот на сиромашните до основни производи и услуги. Ова може да се покаже како сериозен пробив во бизнис моделот на компанијата , која претходно се фокусираше главно на производство и дистрибуција на познатиот пијалок . Од компанијата велат дека "повеќе од една милијарда луѓе немаат пристап до вода за пиење и 2,5 милијарди немаат соодветен систем за хигиена. " Модерните продавници на компанијата со името Ekocenter се опремени со систем за прочистување на водата ( наречена Slingshot ) . Тие исто така нудат пристап до основни услуги , како што се безжични комуникации , струја , чување на вакцини и се разбира храна , како и Кока кола и топли јадења. Овие продавници се наменети за земјите во кои луѓето живеат со помалку од два долари на ден , или за 4 милијарди луѓе во светот. Пилот продавницата која работи во моментов , се наоѓа во Хајделберг , Јужна Африка . Според податоците на весникот „Њујорк тајмс" , само системот за прочистување на водата вреди 100 илјади долари, но масовното производство може да ја намали цената на чинење до 2000 долари. Што се однесува до тоа кои од производите и услугите ќе бидат бесплатни, а  кои ќе се плаќаат, од Кока кола велат „бизнис моделот сеуште не е одреден“. До 2015 година , меѓу 1500 и 2000 Ekocenters ќе бидат отворени во светот , според компанијата , ќе им овозможи на 500 000 луѓе во 20 земји да имаат пристап до 500 милиони литри вода секоја година , како и на основните производи и услуги. 300 директни работни места и 750 индиректни ќе бидат создадени во меѓувреме .