Бројот на жртви од неколкуте бомбашки напади врз цркви но и врз луксузни хотели во Шри Ланка постојано расте. Во осум атентати за само 6 часа во главниот град на Шри Ланка загинати се најмалку 200 лица и над 450 луѓе се повредени. Во загинатите лица има и странски државјани.

Сеуште никој ја нема превземено одговорноста за нападите. АФП пренесува дека поседува документ со кој може да докаже дека шефот на полицијата на Шри Ланка пред десет дена со допис за безбедност, предупредил дека се можни бомбашки напади во цркви.

„ Надворешна разузнавачка агенција не извести дека NTJ планира да изведе самоубиствени напади, целта се најистакнатите цркви како и Индиската амбасада во Коломбо“, се наведува во предупредувањето.