Белорускиот претседател Александар Лукашенко на својот руски колега Владимир Путин му подари трактор за неговиот 70-ти роденден.

Тракторите се гордост на белоруската индустрија уште од советско време.

Лукашенко изјави дека и тој во својата градина користел сличен модел на трактор како тој што му го дал на Путин.

Белорускиот претседател му го предаде сертификатот за тракторот на Путин во Санкт Петербург на состанокот на лидерите на неколку поранешни советски републики.

Путин го слави својот 70-ти роденден, а поради војната во Украина не секогаш добива убави честитки. Активисти во Чешка на рускиот претседател му посакаа долг живот, но во затвор.

Рускиот претседател е роден во 1952 година во Санкт Петербург.