Министерот за транспорт, Бинали Јилдирим денеска ќе биде избран за претседател на владејачката турска Партија на правдата и развојот и за премиер на Турција. 

Јилдирим е близок соработник на турскиот претседател, Реџеп Таип Ердоган и тој ќе дојде на местото на Ахмет Давутоглу, кој поднесе оставка од лидерската позиција во партијата и премиерската функција по серијата несогласувања со претседателот на државата.

Јилдирим изјави дека неговата номинација е резултат на консултациите меѓу приближно 800 важни членови на АКП.

„Ќе ги вложиме сите напори за да работиме во целосна хармонија, пред се со нашиот основач и лидер, а потоа со нашите колеги на сите нивоа на партијата за да ги исполниме целите на нашата земја“ - вели Јилдирим.

Тој е единствениот кандидат за лидер на АКП и  ќе биде избран денеска на специјалниот партиски конгрес, изјави портпаролот на партијата, Омер Челик.