Бела Хадид е пред нова рекламна кампања која промовира колекција на францускиот моден бренд Баленсијага и германскиот гигант за спортска облека Адидас.

Но, некои тврдат дека ангажирањето на палестинско-американскиот супермодел, со холандски корени, веднаш по раскинувањето на соработката со раперот Канје Вест поради неговите антисемитски објави, било грешка.

Инаку, прво Баленсијага престана да работи со Канје, а потоа истото го направи и Адидас, бидејќи се крена голема прашина поради објавите на раперот на социјалните мрежи.

Помладата сестра Хадид е, пишува РТ, гласен критичар на Израел и неговиот третман кон Палестинците, што нејзините противници, исто така, го нарекуваат антисемитски, во суштина.

-Тие едноставно заменија еден антисемит со друг, со што само нагласија дека никогаш не станувало збор за вредности или борба против расната омраза, туку само за профит - изјави произраелскиот активист Арсен Островски за World Israel News, нарекувајќи ја оваа одлука „врв на лицемерието“.

View this post on Instagram

A post shared by Bella (@bellahadid)

Авторот Марк Вилдс, кој е рабин на Менхетен, се пожали дека американските корпорации, официјални лица и познати личности покажале „тивки реакции“ на контроверзните изјави за Израел - кога тие изјави доаѓале од личности како Бела Хадид - во споредба со оние од кои се соочил Канје.

„Ние имаме одговорност да обезбедиме да не ги ставаме нашите политички предрасуди пред она што е правилно. Само тогаш корпорациите како Вог, кои постојано ги прикажуваат Бела Хадид и нејзината сестра Џиџи на насловните страници на нивните списанија, ќе го следат примерот“, напиша тој.