Освен европски градови, во најдобрите 25 за живот се и градови од Австралија, Нов Зеланд, но и Канада, додека градовите од Азија и Блискиот Исток се слабо застапени, пишува Пословни.хр. 

Иако во Европа има економски проблеми и политичка нестабилност, сепак овие градови имаат висок квалитет на живот според Мерцеровото истражување, и се посакувано место за иселување. 

Тие вложуваат во инфраструктура, рекреациски терени и станови, за да привлечат меѓународни компании. 

Девет години по ред на врвот на листата е Виена, додека зад него се Цирих, Оукланд и Минхен. 

На петто место е Ванкувер. Понатаму следат Дизелдорф, Франкфурт, Женева, Копенхаген, Базел, Сиднеј, Амстердам, Берлин, Берн и други.