Новиот британскиот крал Чарлс го имаше најдолгото чекање за тронот во историјата на илјадагодишната монархија. Поради неговата личност и вмешаноста во скандали, републиканците се надеваат дека тој ќе биде лош монарх, додека неговите поддржувачи сметаат дека поради долгото чекање тој ќе биде „поподготвен“ од сите пред него.

Обожавателите на Чарлс веруваат дека неговата мудрост, промисленост и посветеност за заштита на животната средина ќе му ја донесат јавната поддршка што ја заслужува. Но, сето тоа е засенето од неговата покојна прва сопруга принцезата Дијана, горчливиот крај на нивниот брак и трајното непријателство на дел од јавноста кон неговата втора сопруга Камила, војвотката од Корнвол.

„Тие ве обвинуваат дека сте контроверзни само затоа што се обидувате да го привлечете вниманието на работи кои не се нужно дел од конвенционалното гледиште“, рече Чарлс во интервју за магазинот GQ пред неколку години. „Мојот проблем е што наоѓам премногу работи за кои треба да се залагам или да се борам“, додаде тој.

Чарлс Филип Артур Џорџ, до неодамна принцот од Велс, принцот од Шкотска, војводата од Корнвол, војводата од Ротези, грофот од Керик, баронот од Ренфру, грофот од Честер и Господарот на островите, е роден во Бакингемската палата на 14 ноември 1948 година.

Имал четири години кога починал неговиот дедо, а престолот го наследила неговата мајка. Една година подоцна, во друштво на неговата баба и тетка, покојната принцеза Маргарета, ја гледал крундибата на мајка си. Тој го презирал неговото училиште Гордонстоун во оддалечениот дел на Шкотска, во кое учел и неговиот татко, но затоа бил првиот престолонаследник кој дипломирал на Кембриџ.

Тој беше официјално прогласен за принц од Велс на церемонија во 1969 година и имаше најдолго чекање за тронот од кој било британски престолонаследник во историјата. Неговите критичари, па дури и некои монархисти кои мислат дека Чарлс е лош огранок на Домот на Виндзор, велат дека така било подобро.

Том Бауер, авторот на неовластената биографија на Чарлс „Принцот Бунтовник“, го прикажа како арогантен слабак кој ужива во луксуз и личност која не поднесува критики.

"Комплицирано е"

Поддржувачите на Чарлс велат дека тој е лесен плен бидејќи секој негов потег е под лупа од често несимпатичните медиуми. Има многу клевети, вели поранешен близок соработник на Чарлс кој со години работел со него. „Прочитав еден куп работи кои едноставно не се вистинити“, продолжува тој.

За својата книга, Бауер разговараше со оние поранешни членови на персоналот на Чарлс кои се вознемирени или огорчени поради нешто, додава истиот извор, кој сакаше да остане анонимен.

Значи, каков е Чарлс навистина?

„Комплицирано“, одговара тој. „Ретко сум сретнал некој толку љубопитен за светот и желен да знае што се случува и зошто. Но, повеќе од сè, тој има ентузијазам и работни навики“. Сајмон Луис, портпаролот на кралицата од 1998 до 2001 година, го опиша Чарлс како посветен, ревносен човек со „лоша смисла за хумор“.

„Ако сте јавна личност и „ги пукате облаците со носот, јавноста ќе ви се налути“, рече Луис. Пријателите на Чарлс велат дека тој е посветен на должноста. Неговиот работен ден започнува со појадок, тој секогаш го прескокнува ручекот, а завршува околу полноќ. 

Приватно, Чарлс е страстен за театар, литература, сликарство, опера и поп. Се вели дека е голем обожавател на Леонард Коен.

Најсреќен е во градината, го сака Шекспир, слика акварели и пишува книги за деца. Тој може да биде забавен, но и баран. И поранешните колеги тврдат дека лесно горат.

Луксуз

Официјалните бројки покажуваат дека неодамнешните патувања во странство на Чарлс биле најскапите во кралското семејство. Бауер, кој интервјуираше 120 луѓе за книгата за Чарлс, неговиот животен стил го нарекува „хипер-луксузен“.

Но, кога ќе приреди прием, секогаш се служи најдобрата храна и вино. А услугата е „кралска“. „Мислам дека му доликува на принцот од Велс, луѓето би биле разочарани да не беше“, тврди поранешниот соработник.

Заплеткување

Не е само неговиот животен стил кој привлекува внимание. Неговиот страстен активизам за заштита на животната средина и борбата против климатските промени, исто така, доведе до обвинувања дека тој се меша во прашања што кралското семејство треба да ги избегнува.

Чарлс, пак, смета дека има позиција која му овозможува да изразува цврсти ставови и дека би било „криминално“ да не го искористи за правилни работи. Според непишаниот британски устав, монархот мора да биде аполитичен. Но, принцот од Велс, смета тој, не мора.

„Има многу работи на кои се обидував да го свртам вниманието сите овие години, работи на кои другите не, а сега конечно почнаа да гледаат дека она што се обидував да го кажам не е толку лудо. како што мислеа“, рече Чарлс во интервју во 2017 година.

Чарлс предупредуваше за пластичното загадување на океаните, што е вообичаено денес и за што сите се загрижени. Но, некои од неговите други ставови, како што е неговата поддршка за комплементарната медицина, продолжуваат да предизвикуваат потсмев.

Дијана

Сепак, темата која најмногу ја плени јавноста е разводот на Чарлс со Дијана, нејзината смрт во сообраќајна несреќа во Париз и неговиот втор брак со Камила. Некои ја обвинуваат за неуспехот на првиот брак на Чарлс.

Анкетите покажуваат дека репутацијата на Чарлс никогаш не се опоравила од штетата претрпена пред дваесетина години. Истражувањето на јавното мислење од почетокот на оваа година покажува дека само девет отсто од испитаниците го гледаат Чарлс како омилен член на кралското семејство.

Во истото истражување, 54 отсто од луѓето одговориле дека имаат позитивно мислење за него. Тоа би било одличен резултат за политичар, но рејтингот на кралицата или на неговите два сина е многу поголем. Во едно интервју во 1995 година, Дијана сугерираше дека Чарлс не сака да биде крал и дека не е за толку тешка улога. Не е точно, велат тие што работеле за него.

„Чарлс веројатно ќе биде најподготвениот монарх во историјата и мислам дека ќе биде многу добар крал“, рече Луис.

Иако Чарлс не сакаше да зборува за себе како монарх, бидејќи предуслов за тоа беше смртта на неговата мајка, зад сцената одамна се беше подготвено за такво сценарио. „Луѓето се во право кога зборуваат за привилегии, пари, палати и Бентли“, рекол поранешниот помошник на принцот. „Тоа е привилегија, но е и товар. Таков живот не би му посакал на никого.