Три земји бараат прекин на огнот во Сирија. 

Претседателите на Турција, Русија и Иран се согласија дека ќе соработуваат со цел постигнување траен прекин на војната во Сирија. 

Ова е соопштено по состанокот на претседателите на трите држави.

Тројцата претседатели се договориле за обезбедување мир на теренот, заштита на цивилите во зоните без конфликт и побрзо доставување на хуманитарната помош.

„Реџеп Таип Ердоган, Владимир Путин и Хасан Рохани ја потврдија решителноста за активна соработка во Сирија со цел постигнување траен прекин на огнот меѓу завојуваните страни“-  стои во соопштението.

Москва и Техеран, кои ги поддржуваат властите во Сирија, и Анкара, која ги поддржува бунтовниците, се спонзори на мировните преговори во Астан кои доведоа до воведување четири зони без конфликт со цел смирување на судирите во Сирија.