На врвот на овогодишната топ 10 листа на кинески брендови составена од „CNNMoney“ има неколку нови технолошки компании, додека други брендови како што е на пример Леново, не се најде на листата. На првите пет места се најдоа технолошките гиганти и банките. Така, најдобар кинески бренд е „China Mobile“, една од најголемите телекомуникациски компании во светот со голем потенцијал за раст, кој може да стигне и до 1,3 милијарди корисници. Зад неа се наоѓа банката „ICBC“, која е основана во 1984 година, но се повеќе се шири во странство и ја ужива поддршката на владата. Третото место и припадна на уште една од државните банки - „China Construction Bank“. Таа профитираше благодарение на финансирањето на огромните инфраструктурни проекти. Меѓу првите пет го најде своето место и „Baidu“, познат како кинескиот Гугл, кој има неверојатни 79 % од интернет пребарувањата во Кина. Овој дел од топ листата ја затвора уште една технолошка  компанија „Tencent“, која е лидер во дигитални комуникации со водечки онлајн портали кои нудат игри, а развија и софтвер за паметни телефони кој дозволува мобилен чет. Остатокот од топ листата го сочинуваат различни компании. Како шеста на листат се најде Земјоделска банка на Кина, а седма осигурителната компанија „China Life Insurance“ .Осигурувањето инаку е голем бизнис во Кина кој се повеќе расте и има голем потенцијал. Осмото место и припадна на „Bank of China“. Последната десетка ја заокрижуваат компанијата „Moutai“, која е единствена од листата што се бави со производство на храна и пијалоци, а најпозната е по своето производство на оризово вино. Десетта пак е кинеската нафтена компанија „Sinopec“,  која најверојатно ке се најдеше на самиот врв доколку нема притисок на властите за намалување на цените на енергијата, што пак директно влијае на профитот.