Оваа година ќе биде уште една, во која ќе има голем број предизвици за Европа. Имигрантската криза, Brexit, ИСИС и противењето помеѓу Русија и Западот ќе бидат од особено значење, пишува во анализа за „ВВС“, Робин Ниблет од британскиот аналитички институт „Chatham House“.

Други важни теми се одговорот на кинескиот пораст во Источна Азија, евентуалното влошување на израелско-палестинскиот конфликт, дестабилизација на ранливите земји од постепеното затегнување на каматите од САД и ниските цени на нафтата. Но нема да биде неразумно, ако ги погледнеме работите во оптимистичка перспектива. Во 2016 година може да се забележи одредена стабилизација на меѓународните кризи, кои го потресоа светот во изминатите две години.

Имигрантската криза

Над 1,8 милиони луѓе влегле во ЕУ нелегално помеѓу јануари и октомври 2015 година, при што околу 980 000 побарале азил. Помеѓу нив се бегалци од конфликтите во Сирија, Ирак и Авганистан, како и економски имигранти од Балканот, Блискиот Исток и Африка. Концентрацијата на миграцискиот бран кон одреден број места, главно Германија, Унгарија, Италија и Шведска, ja стави под прашање Шенген зоната. Сега владите имаат помалку од шест месеци, за да се подготват за следниот летен прилив во Средоземното Море. Постигнувањето на консензус ќе биде тешко, особено откако имигрантите ги стимулираа националистичките партии во ЕУ. Дури и Шенген договорot да биде прекинат, на скалата на проблемот веројатно ќе доведе до јакнење на контролата на надворешните граници на ЕУ, финансирање на центрите за обработка на молби и подобра распределба на новодојдените во блокот.

Brexit

Можно е Британците да добијат својот референдум за останување или напуштање на ЕУ уште во јуни. Ова ќе биде клучен момент не само за Велика Британија, туку и за целата ЕУ. Излегувањето од Унијата за Лондон ќе значи значителен дипломатски и економски јаз, додека предоговорите и условите за своето заминување, веројатна оставка на премиерот и чекор кон нов референдум за шкотската независност. На крајот самата кампања за останувањето или излегувањето од ЕУ ќе гравитира не околу преговорите помеѓу Дејвид Камерон и Брисел, а околу тоа дали Британците ќе се чувствуваат посигурни во економски и личен план внатре или надвор од Унијата.

„Исламска држава“

Фактор кој ќе затегне европските влади кон унифициран пристап во врска со пограничната контрола, ќе биде стравот од нов напад на „Исламска држава“ во Ирак и Левант на територијата на ЕУ. Таков напад не е можно, но и веројатно. Во 2016 година „ИД“ ќе биде подложена на притисок од напорите и кампањите на САД, Европа, Русија и арапските сили, како и од евентуалното примирје помеѓу режимот на Асад и главните бунтовнички сили со посредство на ОН. Дури и ако групата продолжува да ги попречува властите во Дамаск и Багдад да остваруваат контрола врз својата територија, минатата година може и да била нејзиниот врв.

Противењето помеѓу Русија и Западот

Претседателот, Владимир Путин можеби се надева дека неговото учество во операциите против „Исламската држава“ во Сирија ќе доведе до слабеење на економските санкции на Западот. Тоа би ги намалило тензиите помеѓу Москва, Вашингтон и неговите сојузници од НАТО, што беше главен дестабилизирачки фактор во меѓународните односи во изминатите 18 месеци. Малку е веројатно дека санкциите поврзани со Источна Украина, да бидат укинати без спроведување на договорот од Минск. И сепак двете страни, се чини, сакаат да ги изгаснат тензиите, што може да доведе до затоплување на односите помеѓу Русија и Западот. Иако нема да има враќање на претходната положба, 2016 година може да го лансира тоа со два различни системи на економско и политичко управување да се најде начин да живеат заедно.