Компанијата Истмен Кодак објави успешно излегување од процесот на банкротство и продолжение на трансформацијата во мала и ефикасна компанија. Некогаш водечката светска компанија на пазарот на фотоапарати Кодак доби дозвола од судот да спроведе на дело план за излез од банкрот и трансформација во мала компанија фокусирана на пазарот на дигиталната фотографија, пренесува порталот bug.hr. Со ова одобрение на судот, многу е веројатно дека Кодак ќе се спаси од пропаст. Голем дел од имотот веќе е продаден, па фокусот на компанијата во иднина ќе биде единствено кон дигиталната технологија.