Хилари Клинтон води пред Доналд Трамп со 11 процентни поени во трката за претседателската функција во САД, покажува анкетата на институтот Ipsos за Ројтерс.

Онлајн анкетата е спроведена од понеделник до петок и покажува дека 46 проценти од испитаниците потенцијални избирачи ја поддржуваат Клинтон, 34,8 проценти се за Трамп, а 19,2 проценти не поддржуваат ниту еден од двајцата за изборите кои се закажани за на 8 ноември.

Предноста на Клинтон е речиси иста како и пред една недела, кога уште немаше доволно делегати од прелиминарни избори за победа на номинацијата на Демократската партија и пред Трамп да ги навлече критиките на лидерите на двете партии за прием на пристрасност кај американски судија од мексиканско потекло.

Трамп смета дека судијата Гонзало Кури е пристрасен против него во случајот за измама во веќе затворена платена бизнис школа на милијардерот поради предлогот на кандидатот на Републиканската партија да се изгради ѕид меѓу САД и Мексико. Подоцна Трамп додаде дека судии муслимани исто така може да се пристрасни против него поради ветувањето привремено да го забрани пристапот на муслимани во САД.

Овие искази на Трамп го чинеа остри критики од високи републиканци, меѓу кои претседателот на Претставничкиот дом Пол Рајан и лидерот на Републиканското мнозинство во Сенатот Мич Меконел. Последователно Трамп изјави дека повеќе нема да коментира.