Хилари Клинтон веќе го има добиено потребниот број делегати за да ја добие кандидатско претседателската номинација на Демократската партија соопштија американските медиуми, која се базира на сопствени пресметки.

Сопругата на поранешниот претседател Бил Клинтон и поранешен државен секретар веќе има поддршка од 2383 делегати колку се потребни за да ја освои партиската номинација на конгресот на демократите во јули, според податоците на АП. Во вклучените влегуваат 1812 делегати добиени на внатрепартиските избори и партиските собранија, како и 571 суперделегати (истакнати партиски фигури и лидери на американски власти кои гласаат самостојно на самиот конгрес), кои се обврзаа да ја поддржат на конгресот во Филаделфија.

На овој начин Клинтон ќе стане првата жена номинирана за претседателски кандидат од главна партија. Денес ќе се одржат прелиминарни избори во пет држави и партиско собрание во Северна Дакота. Тоа го прави денот последен "супервторник" од овогодинешната кампања.

Особено драматичен судир меѓу Хилари Клинтон и нејзиниот лев ривал Берни Сандерс се очекува во големата држава Калифорнија.

Берни Сандерс, сепак смета дека ќе успее да ги привлече на своја страна дел од суперделегатите на Клинтон и да стигне до битка на самата конференција во Филаделфија.

На крајот на мај беше објавено дека Доналд Трамп го достигна потребниот број делегати за да си ја обезбеди номинацијата на Републиканската партија за претседателските избори во САД.