Советникот на кабинетот на Володимир Зеленски, Алексеј Арестович, потврди дека украинските власти се обиделе да го убијат рускиот заменик министер за одбрана Валериј Герасимов.

„Ќе ви кажам една страшна тајна. Герасимов беше во Изум и извршивме напад. Тоа беше во втората половина на април или почетокот на мај. Го бомбардиравме и целосно го разнесевме штабот каде што беше, но Герасимов успеа да замине пред тоа“, рече Арестович во разговорот со Марк Фегин, објавен на неговиот канал на Јутјуб.

„Њујорк тајмс“ претходно напиша дека американските власти се обиделе да ги спречат украинските власти да го организираат атентатот на Герасимов, плашејќи се од конфликт со Русија. Како што се наведува во изданието, американската страна, знаејќи за планираната посета на генералот на фронтот, ја сокрила оваа информација од Киев, плашејќи се да биде вовлечена во конфликтот.

Русија никогаш официјално не ја потврди посетата на Герасим на фронтот во април и не спомна никаков украински напад врз министерот или началникот на Генералштабот во тоа време.

На почетокот на мај „Њујорк тајмс“ објави извештај за наводниот украински напад врз Герасимов.

Во извештајот се цитира анонимен украински функционер кој рекол дека нападот ја промашил целта, но ги одзел животите на околу 200 војници, вклучително и најмалку еден генерал.