Двајца борци од Велика Британија кои ги заробиле руските сили беа прикажани денеска на руската државна телевизија, по што беше побарано да бидат разменети за прорускиот политичар, Виктор Медведчук кој го држат украинските власти.

Ројтерс наведува дека во овој момент не се знае до кој степен Британците слободно зборуваат. Тие беа идентификувани како Шон Пинер и Ејден Еслин.

Another British citizen ‘who joined the Ukrainian military after moving there with his wife’ has been captured. No surprise, Shaun Pinner was among those who’s been training with the Azov since 2018 and believed to be fighting with Aiden Aslin in Syria pic.twitter.com/1YTfXHVxk3

— Politrix (@Politrix33) April 16, 2022

Двајцата разговарале откако неидентификуван маж им поставил прашања.

И двајцата побараа од британскиот премиер Борис Џонсон да им помогне да се вратат дома во замена за прорускиот политичар Виктор Медведчук, кој беше приведен во Украина.

Минатата недела Кремљ ја отфрли украинската понуда за размена на затвореници за Медведчук, најблискиот соработник на Владимир Путин во Украина, кој беше уапсен во „молњевито брза и опасна“ операција.

Одделно, украинските безбедносни служби објавија видео на кое Медведчук бара од Путин да го замени за украинските сили во опколениот град Мариупол.

Во видеото, Медведчук бара од рускиот и украинскиот претседател Владимир Путин и Володимир Зеленски да го разменат за жителите и украинската армија во Мариупол.