Австралијците луто реагираа на веста дека тенисерот Новак Ѓоковиќ ќе игра на Австралија опен, откако беше изземен од правилата за задолжителна вакцинација.  

Според правилата сите играчи и персоналот на турнирот мора да бидат вакцинирани или да имаат ослободување од независен експерт дека не можат да се вакцинираат.

Ѓоковиќ не зборуваше за статусот на вакцинација, но минатата година рече дека е „против вакцинација“.

Премиерот Скот Морисон рече дека доколку доказите на играчот се недоволни, тој ќе биде испратен во „следниот авион за дома“.

Организаторите велат дека бранителот на титулата не добил посебен третман, но одлуката налутила многу Австралијци. Земјата за прв пат има десетици илјади случаи на „Ковид-19“ откако ги издржа некои од најстрогите ограничувања во светот.

Над 90 отсто од популацијата на Австралија над 16 години е целосно вакцинирана, но некои луѓе сè уште не можат да патуваат меѓудржавно или глобално поради сегашните мерки.

Морисон рече дека од српскиот играч ќе се бара да прикаже докази по пристигнувањето дека има вистинско медицинско ослободување од вакцинација. Австралија опен започнува на 17 јануари во Мелбурн.

„Ако тие докази се недоволни, тогаш тој нема да биде третиран поинаку од кој било друг“, им рече премиерот на новинарите. „Воопшто не треба да има посебни правила за Новак Ѓоковиќ.

Коментарите се чинеше дека претставуваат промена во неговата позиција, откако тој во вторникот рече дека владата на државата Викторија му дала исклучок на играчот да влезе во земјата и дека официјалните лица ќе постапат „во согласност со таа одлука“.

Многу Австралијци претходно ја обвинија владата дека им дозволува на богатите и славните да прават што сакаат, додека обичните луѓе остануваат одвоени од болните и блиските што умираат.