Минатата година беше силна за новозеландскиот долар ( NZD ) и многумина очекуваат неговата иднина да е се така светла. Кивито - како често е нарекуван новозеландски долар меѓу трговците , истакна покачување од околу 6 % во однос на доларот од средината на јуни минатата година , откако Централната банка на земјата стана поагресивна . Во 2013 година валутата се претставува релативно добро против јапонскиот јен со пораст од 20% . Во исто време, двојката AUD / NZD стига до најниско ниво за последните 5 години во минатиот месец . " Централната банка на Нов Зеланд ќе биде единствената централна банка меѓу главните светски економии , која ќе ги зголеми основните каматни стапки во 2014 година и тоа единствено решение го претвора NZD во еден од фаворитите за трговија во 2014 година " , коментира Кети Лиен , директор за управување на средства кон BK Asset Management . Новозеландскиот долар се издвојува меѓу другите главни валути и според Лиен ќе има три главни двигатели за трговија на кивито во 2014 година: очекувањата за силен економски раст ; очекувањата за зголемување на каматните стапки ; и зголемување на побарувачката на меките пред тврдите стоки што е главно во новозеландскиот извоз. Лиен и многу други пазарни аналитичари очекуваат зголемување на каматните стапки во земјата во март од сегашното ниво од 2,5 % . Таквата одлука на централната банка на Нов Зеланд би било позитивно за валутата . Земјата веќе има највисоки каматни стапки меѓу најголемите 10 економии во светот - Г- 10 , а вакво решение би го направило Нов Зеланд првата земја со економија од западен тип со покачување на каматните стапки од неколку години. Други аналитичари ги наведуваат ризиците од трговија со новозеландската валута , како на пример, фактот дека наводната агресивна политика од страна на Централната банка на Нов Зеланд е веќе поставена во нивоата на трговија. "Идејата за различност меѓу централните банки не е нова . Главниот проблем во случајот е дека пазарот веќе предвидел и почнал да пресметува слична агресивна политика од страна на Централната банка на Нов Зеланд во следните 12 месеци . Но историјата ни покажува дека кога Централната банка на Нов Зеланд донесува одлука, го прави тоа релативно агресивно и од психолошка гледна точка, веројатноста дека таа е најагресивната централна банка меѓу земјите од Г- 10 комбинирано со највисоките реални камати ја прави многу атрактивна валута " , вели Крис Вестон , главен пазарен стратег кон IG .   A.A.