Официјален Пекинг ја разгледува идејата за значително зголемување на квотата за инвестирање на странски институции на кинескиот пазар на акции, ова го изјави Директорот на кинеската државна Регулаторна комисија за хартии од вредност Гуо Шучинг. Гуо  на конференцијата за медиуми додаде и дека   има простор за зголемување на квотата за најмалку девет или десет пати. Тој истакна дека средствата инвестирани низ системот за квоти за странските инвеститори ќе чини само 1,5 или 1,6 отсто од вкупната вредност на акции со кои се тргува на кинеските берзи, како и дека регулаторните органи сакаат да им олеснат на странците да емитуваат или да тргуваат со хартии од вредност на кинескиот пазар.