Повеќе од 2.000 аеродроми ќе бидат изградени во Кина до 2030 година. Ова го истакнал шефот на Граѓанската воздухопловна управа на Кина (CAA), соопштува „Want ChinaTimes“.

Шефот на администрацијата ги истакнал своите ставови пред „Aviation Industry Corporation of China“, но остануваат непознати во однос за изворот на финансии за изградбата на овие аеродроми или дали предложениот план ќе привлече приватни инвеститори.

Тој не открил детали, туку само ја истакнал својата визија за авијација и индустрија во Кина, според локалниот весник „21st Century Business Herald“ во Гуангжу.

Весникот појаснува дека кинеската администрација планира да ја прошири воздухопловната инфраструктура на земјата со изградба на над 2000 аеродроми до 2030 година.

Минатата година „CAA“ почнала да дава дозволи на локалните воздухопловни органи да го следат спроведувањето на планот.

Аеродромите нема да се користат само за целите на патничката авијација. Еден таков аеродром, според весникот, ќе чини во просек помеѓу 2 и 3 милијарди јуани (322 - 484 милиони долари).