Како дел од пакетот мерки за стимулирање на економското заздравување, кинеските власти одлучија да го олеснат даночниот товар за малите бизниси. „Малите бизниси кои генерираат месечен обрт во вредност помалку од 20.000 јуани ( 3.260 долари ) од 1 август ќе бидат ослободени од плаќање на данок на промет и данок на додадена вредност. Малите бизниси играат важна улога во промовирање на економскиот развој и просперитет на пазарот, како и зголемување на вработеноста“ - се вели во соопштението на кинеската влада. Од ваквата мерка корист ќе имаат повеќе од шест милиони мали бизниси.