Северна Кореја во Њујорк должи 156.000 долари за неплатени казни за непрописно паркирање, објави Ен-би-си. 

Дипломатското претставништво во Обединетите нации не платило 1.300 казни за сообраќајни прекршоци, пренесува Ен-би-си.

„Тоа не е вистина затоа што ако не платиме само три казни, градот нема да ни ја продолжи дозволата“- велат од севернокорејската дипломатска мисија во ОН.

Северна Кореја не е единствена земја што должи големи износи за непрописно паркирање. Само во Њујорк дипломатските претставништва за вакви прекршоци должат 16 милиони долари и тоа Сирија 360.000, Иран 185.000, Русија 105.000, а лидер на листата со должници е Кина со 400.000 долари.

За 15 години странските земји по овој основ имаат долг од 700.000 долари.