Ким Џонг Ун вршел воени вежби на теренот, прецизира државната агенција

Ракетните лансирања на Северна Кореја во последните денови претставуваат нуклеарни тактички вежби лично надгледувани од лидерот Ким Џонг Ун.

Северна Кореја во неделата истрела две балистички ракети во морето. Досега тоа е седмо вакво лансирање за две недели.

Обуката на единицата за тактички нуклеарни операции на земјата од 25 септември до 9 октомври ја водеше Ким. Тој, исто така, надгледуваше сè.

Воените единици задолжени за употреба на тактичко нуклеарно оружје организираа воени вежби од 25 септември до 9 октомври за тестирање и оценка на капацитетите за нуклеарно одвраќање и нуклеарен контранапад на земјата, што е сериозно предупредување за непријателите, соопшти КЦНА.

Имено, се чини дека овие вежби се одговор на заедничките американско-јужнокорејски вежби во регионот, кои „дополнително ги зголемуваат тензиите во регионот додека отворено претставуваат воена закана“ за Северна Кореја.

– Ким Џонг Ун водеше воени вежби на терен – прецизираше државната агенција.

Седумте ракетни лансирања што ги изврши Северна Кореја во изминатите 14 дена беа вежби кои симулираа вистинска војна, додаде КЦНА.

Додека преговорите за разоружување на Северна Кореја долго беа во ќорсокак, Пјонгјанг го зголеми бројот на вежби од почетокот на годината, а минатата недела лансираше балистичка ракета над Јапонија, прва од ваков вид во последните пет години.

Бројни експерти и официјални лица проценуваат дека Северна Кореја ги завршила подготовките за нова нуклеарна проба, која би била седма во нејзината историја и прва од 2017 година.