Заврши вториот круг на преговори меѓу Русија и Украина, а има договор само за хуманитарен коридор. 

Киев и Москва се договорија да продолжат со преговорите, и се планира третата рунда да се одржи што е можно поскоро. 

„Министерствата за одбрана на Русија и Украина го договорија форматот на коридорот за излез на цивили“, изјави помошникот на рускиот претседател Владимир Медински по втората рунда преговори меѓу Москва и Киев.

Киев не ги добил резултатите на кои сметала украинската страна при преговорите со Русија.

„Украина и Русија се договорија заеднички да обезбедат хуманитарни коридори за евакуација на граѓаните, испорака на храна и лекови“, изјави советникот на украинскиот претседател Михаил Подољак.

Подољак рече дека страните разговарале за можноста за прекин на огнот при евакуација на граѓаните до местата каде што ќе се реализира.

Русија и Украина успеаја да постигнат разбирање за одредени точки, изјави помошникот на рускиот претседател Владимир Медински. Како што рече, партиите детално разговарале за сите три блока прашања за кои зборувала Москва.