Ќерката на рускиот опозициски лидер Борис Немцов изјавила дека претседателот Владимир Путин е политички одговорен за смртта на нејзиниот татко, пренесоа американските медиуми.

Жана Немцова потсетува на интервјуто дадено во Италија за БиБиСи дека нејзиниот татко бил критичар на Путин и дека немал други противници.

„По неговата смрт опозицијата е обезглавена и сите се исплашени“, изјавила Немцоова.

55-годишниот Немцов беше застрелан во близина на Кремљ кон крајот на февруари. Руската опозиција смета Путин за одговорен за неговата смрт.

Пет лица се приведени и двајца се обвинети за убиството, но колегите на Немцов се загрижени дека нема да бидат откриени нарачателите.