Руската воена поддршка за сирискиот режим ризикува да привлече повеќе екстремисти во земјата, предупреди американскиот државен секретар Џон Кери по средбата во германскиот министер за надворешни работи Франк-Валтер Штајнмаер.

Ние двајцата се согласивме „дека континуираната воена поддршка од Русија или која и да е друга земја ризикува да привлече повеќе екстремисти и да ја зацврсти власта на Асад“, изјавил Кери.

Вашингтон се грижи од информациите дека Русија испраќа оружје во Сирија. Москва тврди дека нејзините дејства се совпаѓаат со постоечките договори за одбрана, а портпаролот на претседателот Путин во петокот изјавил дека Русија ќе ја разгледа ситуацијата и ќе испрати свои војници, ако сирискиот претседател Башар Асад тоа го побара од нив.