Полицијата во еден од најголемите германски градови Келн напорно се подготвува за неделната демонстрација (25 октомври) на крајно опасната група „Тепачи против салафити“, информира „The Local“.

Групата стекна популарност минатата година, кога ги обедини хулиганите од фудбалските Агитка и неонацистички организации кои буквално оставија хаос зад себе во центарот на Келн и одвај беа смирени да не ги нападнат луѓето на митинг под слоганот „Рамо до рамо против расизмот и религиозниот екстремизам“.

Сеуште не е јасно каде точно во Келн ќе се одржи новата демонстрација на „Тепачи против салафити“. Во октомври минатата година, сепак екстремистите повредија десетина полицајци, и се обидоа да стигнат до места во градот, познати како населби на имигрантите. Беа потребни неколку часови за да може конечно полицијата да воспостави ред, вклучувајќи помош и водени топови.

Поради тоа тажно искуство шефот на полиција во Келн, Волфганг Алберс побара од судот да се забранат демонстрациите, но барањето му беше одбиено. Сепак сега на „Тепачи против салафити“ им е забрането да прават поворка низ целиот град, како и минатата година. Тие можат да се соберат само на едно место и таму да го изразат својот став.

Освен „Тепачи против салафити“, демонстрација ќе одржи и „ПЕГИДА“. Се очекува 500 членови на движењето да излезат на улиците на Келн. Засега полицијата во градот сеуште не донела одлука дали ќе дозволи демонстрациите да се оддржат.

Потсетуваме дека токму во Келн беше нападната Хендрик Рекер - кандидат за градоначалник на градот, која победи и на изборите. Рекер беше прободена со нож поради своите убедувања и својата позиција за поддршка на бегалците.