Портпаролот на катарското Министерство за надворешни работи објави дека спорот меѓу Израел и Хамас кој се закануваше дека ќе го прекине примирјето „е надминат со катарско-египетско посредништво“ и дека втората рунда размена на затвореници најверојатно ќе се одржи вечерва, пренесува Ал Џезира.

Портпаролот на катарското министерство, Мајед Ал Ансари, најави дека ќе бидат разменети 39 Палестинци и 13 израелски затвореници, а ќе бидат ослободени и седум странци.

بعد تأخر في تنفيذ الإفراج عن الأسرى من الجانبين، تم تذليل العقبات عبر الاتصالات القطرية المصرية مع الجانبين وسيتم الإفراج الليلة عن ٣٩ من المدنيين الفلسطينيين في مقابل خروج ١٣ من المحتجزين الإسرائيليين من غزة بالإضافة إلى ٧ من الأجانب خارج إطار الاتفاق.

— د. ماجد محمد الأنصاري Dr. Majed Al Ansari (@majedalansari) November 25, 2023

Да потсетиме дека вооруженото крило на Хамас претходно изјави дека ќе го одложи ослободувањето на друга група затвореници, обвинувајќи го Израел дека не ги почитува условите од договорот за примирје, пренесува Ал Џезира.

Набргу потоа, израелските медиуми објавија дека израелската армија ќе продолжи со бомбардирањето на Газа доколку Хамас не ги ослободи затворениците до полноќ по израелско време (23:00 часот по наше време). Иако оваа информација не е официјално потврдена, Хамас реагираше, наведувајќи дека нема да го промени ставот поради „празни закани“.

Фото: Принтскрин/Твитер