Канадскиот премиер Марк Карни го осуди жестокиот напад на Русија врз Украина во текот на ноќта, велејќи дека тоа не го менува фактот дека Русија на крајот ќе ја изгуби војната. 

Карни додаде дека Русија, и покрај континуираните напади врз украинската енергетска инфраструктура, училиштата, болниците и станбените згради, продолжува да ја потценува храброста, решителноста и силата на украинскиот народ.

„Ја повикуваме Русија веднаш да ги прекине овие напади и да ја прекине оваа нелегална агресивна војна. Ова само го продолжува човечкото страдање, но не го менува фактот дека Русија ќе ја изгуби оваа војна. Канада ќе продолжи тесно да соработува со меѓународните партнери за да воспостави праведен и траен мир за Украина и Европа“, рече канадскиот премиер.

Киев во текот на ноќта беше цел на еден од најголемите комбинирани руски воздушни напади во последниот период. Најмалку двајца загинаа, а десетици се повредени. 

foto printskrin youtube