Атлантското невреме кое ја погоди северозападна Европа со ветрови со брзина и до 196 километри на час и усмрти најмалку девет лица, го прекина снабдувањето со електрична енергија на десетици илјади луѓе и го откорна покривот на стадионот О2 Арена во Лондон.

Бурата Јунис, која настана во центарот на Атлантикот и океанските струи ја пренесоа од Азурските острови во Европа, беше опасна по живот, соопшти британската метеоролошка служба.

Невремето го погоди западниот дел на Англија, во регионот Корнвол, каде што можеше да се видат сцени од високи бранови кои се судираат на брегот и ги покриваат покривите на куќите.

Невремето однесе најмалу девет животи

Една жена загина во Лондон кога дрво падна врз нејзиниот автомобил, а еден маж во Ливерпул настрада од остатоци од покриви и дрвја кои летале во воздухот. Во провинцијата Хемпшир на југот на Англија, уште едно лице загинало кога со автомобилот удрило во паднато дрво.

Четири лица загинаа при сеча на дрвја во Холандија. Во Белгија силниот ветер соборил кран на покривот на болница, а еден Британец загинал откако ветрот го фрлил од брод во морето.

Едно лице во Ирска исто така загинало кога дрво паднало врз неа поради силината на ветрот

Данската ферибота служба на Твитер објави дека фериботите меѓу Довер и Кале нема да пловат поради силните ветрови.

Холандскиот аеродром Шипхол откажа околу 390 летови, изјави портпаролот.

Во близина на белгискиот брег, два брода, едниот танкер, а другиот карго, извесно време неконтролирано пливале, а потоа се заглавиле меѓу ветерниците.