Скандалот избувна неколку месеци пред клучното гласање за излез од ЕУ во Британија

Документите од Панама веќе ја зедоа својата европска жртва - поради скандалот околу офшор сметки оставка поднесе премиерот на Исланд. Истрагата на меѓународниот новинарски конзорциум сепак има потенцијал да предизвика вистински ураган во ЕУ, пишува во својата анализа „Bloomberg“.

Причината е дека во досиејата исплива името на британскиот премиер Дејвид Камерон. Откако во неколку изјави тој одрекуваше дека има офшор фондови, вчера конечно тој призна дека имал акции во фирми на својот татко, кои ги продал во 2010 година, односно пред да застане на чело на британската влада.

Овие откритија доаѓаат само неколку месеци пред најсериозната политичка битка за Камерон - референдумот за излез на Велика Британија од ЕУ. Анкетата во општеството е закажана за 23 јуни.

Анкетите покажуваат дека двата табора - за останување и за излез од ЕУ, се речиси еднакви. Опасноста сега е дека скандалот со панамските документи може да ги разочара Британците, кои се уште не одлучиле како ќе гласаат, и да не ја поддржат позицијата, заштитувана од премиерот.

Сумата е скромна - Дејвид Камерон ги продал акциите во фирми на својот татко за 30 илјади фунти, но моралната тежина е голема. Лидерот на лабуристите Џереми Корбин веќе го нарекува „лицемерниот Камерон“ .  Повеќето луѓе сметаат дека немаат доволно пари и не им се допаѓа идејата дека владечите имаат премногу средства за нивните претстави, коментира уште Брајан Кеткарт, професор по новинарство на универзитетот Кингстон во Лондон.

На Фејсбук веќе има група која го повика премиерот да ги „затвори даночните дупки или да поднесе оставка“. Учесниците во групата планираат протест пред Даунинг стрит во саботата.

Излегувањето на Британија од ЕУ, или „Brexit“, беше признаено од европските лидери како една од најголемите закани за заедницата.

За време на состанокот во Брисел тие ги одобрија барањата на Лондон за специјален статус на Велика Британија во ЕУ.

Реакцијата на Камерон во врска со случајот на панамските документи сепак може да ја загрози не само неговата политичка кариера, а и односите меѓу Лондон и Брисел, како и целата иднина на ЕУ.