Веќе неколку дена има судири меѓу палестинското милитантно движење Хамас и израелската армија, а чеченскиот лидер Рамзан Кадиров, најави подготвеност на неговите воени единици да станат дел од мировните сили во палестинско-израелскиот конфликт.

„Апелирам до меѓународната заедница барем еднаш едногласно да донесе правична одлука за ситуацијата во Палестина. Апелирам до лидерите на муслиманските земји: формирајте коалиција и поканете ги оние што ги нарекувате пријатели, Европа и целиот Запад за да не бомбардирате цивили под изговор дека истребувате милитанти“, напиша Кадиров на каналот „Телеграм“, пренесува „РИА новости“.

Тој повика на прекин на војната. Се јави и Кина со реакција. 

Кина повика на итен прекин на огнот и ги осуди „актите што им штетат на цивилите“.

„Кина е длабоко загрижена поради сегашната ескалација на тензиите и насилството меѓу палестинската и израелската страна и е тажна поради големиот број цивилни жртви предизвикани од конфликтот“, изјави Жаи Џун, специјален претставник на Кина за Блискиот Исток.