КАДИРОВ ДО ПАПАТА: Шефот на Ватикан e жртва на пропаганда
Лидерот на Чеченија, Рамзан Кадиров се навредил од говорот на Папата Франциск кој кажа дека Русите не се толку сурови, туку Чеченците.
Вели дека Папата треба да се засрами од неговото незнаење за односот на муслиманите кон непријателот. Кадиров рече дека украинските војници можат да му кажат на Папата за односот на Чеченците кон затворениците, без разлика дали е суров или не.
„Како можете да одредите дали непријателот на бојното поле е весел, мрачен, сентиментален или суров? И како со голо око да ја одредите националноста на руски војник во консолидиран одред, ако во нашата земја живеат повеќе од 190 народи? Шефот на Ватикан не може да одговори на тоа, тој едноставно стана жртва на пропагандата и упорноста на странските медиуми“, напиша Кадиров на својот канал Телеграм.
Папата ги нарече Чеченците и Бурјатите „најсуров дел од руските трупи во Украина“.Портпаролката на руското Министерството за надворешни работи, Марија Захарова рече дека оваа изјава оди подалеку од обична русофобија.
Претходно, Папата повикуваше на мир за да се стави крај на војната во Украина.
Слично
Поврзани вести
