Во Данска и Шведска храната и пијалоците се најскапи, додека за најниска цена храна може да си купите во Бугарија и Романија. Во однос со ЕУ во Западен Балкан најмалку пари треба да се издвои во Македонија. Алкохолот во ЕУ  е најскап во Финска, додека цигарите во Ирска. Храната за околу 40 проценти е поскапа во Данска, за 25 проценти во Шведска, а само малку над просекот за храна треба да дадат Германците, Италијанците, Шпанците и Грците. Додека под просекот во ЕУ за храна даваат Португалците, Словенците и Ирците, а значително поевтина храната е во Чешка, Словачка, Турција и Хрватска. Двојно помалку пари за исхрана во однос на просекот на жителите на ЕУ, мораат да издвојат Полјаците, Романците, жителите на Босна и Херцеговите, Србите и Албанците. Храната повеќе од половина е поевтина во Бугарија и Македонија.