Претседателот на Европската комисија, Жан-Клод Јункер се изјасни против промената на курсот на европската имиграциска политика поради терористичкиот чин во Берлин. 

„Европа е должна да им обезбеди азил на луѓе кои бегаат од жариштата и се спасуваат од теророт“, изјави тој во интервју за странски медиуми.

Јункер повика „да не се долева оган и да не се подгреваат сомневањата во сите бегалци за тероризам“. 

Тој исто така изјави дека европските вредности и европската форма на соживот меѓу луѓето е „најдоброто оружје против тероризмот“. 

Според претседателот на ЕК Европа треба да научи лекција од нападот во Берлин, и да ја активира соработката меѓу органите на прогонот на земјите од ЕУ.

„Во време кога терористите не се запираат на границите, средствата на националните внатрешни политики не се доволни“, изјави тој.