Австралија воведува бесплатен јавен превоз во Викторија и Тасманија поради скапото гориво. 

Јавниот превоз ќе биде бесплатен во две австралиски сојузни држави поради недостигот и поскапувањето на бензинот поврзано со војната во Иран.

Патниците во државата Викторија ќе можат бесплатно да користат возови, трамваи и автобуси во период од еден месец, почнувајќи од 31 март, како „привремена мерка“ за ублажување на растечките цени на горивата.

Во Тасманија, цените за автобуски и траектен превоз се укинати во периодот од 30 март до 1 јули.

Цените на бензинот во Австралија скокнаа од просечни 1,70 долари за литар пред војната на околу 2,50 долари за литар на некои бензински пумпи, јавуваат локалните медиуми.

Премиерката на Викторија, Џасинта Алан, изјави дека бесплатниот јавен превоз ќе им овозможи на граѓаните полесно да се одлучат за оваа опција наместо за користење автомобили.

Од почетокот на војната во Иран, протокот на нафта низ Ормутскиот теснец е ограничен.