Откако француската политичарка Марин Ле Пен е прогласена за виновна за незаконско користење на европските фондови за финансирање на нејзината крајнодесничарска партија Национален собир (РН), на пресудата реагираа и нејзините политички сојузници.

На лидерката на Националниот митинг (Националното собрание) Ле Пен и беше забрането да се кандидира за јавна функција во следните пет години - и беше осудена на четири години затвор. Ле Пен, која ја напушти судницата пред да биде прочитана пресудата, беше прогласена за виновна во случајот за проневера.

Две од четирите години затворска казна се условни - не е јасно дали воопшто ќе одлежи затвор. Забраната ги урива нејзините надежи да се кандидира на претседателските избори во 2027 година.

По објавата на пресудата, меѓу првите реагираше премиерот на Унгарија, Виктор Орбан со краток, но ефективен пост на социјалната мрежа „Х“, поранешен „Твитер“. 

- Јас сум Марин - напиша Орбан на „Х“.

Je suis Marine! @MLP_officiel

— Orbán Viktor (@PM_ViktorOrban) March 31, 2025

Со овој пост, што е на некој начин имитација на слоганот „Je suis Charlie“, кој стана симбол на одбраната на слободата на изразување откако двајца напаѓачи исламисти упаднаа во редакцијата на сатиричниот магазин Charlie Hebdo во Париз на 7 јануари 2015 година и убија 12 лица, меѓу кои и познати карикатуристи.

По пресудата реагираше и Русија, која рече дека пресудата на Марин Ле Пен „ги крши демократските норми“.