Големи пожари беснеат во Израел. 

Пожарникари се борат со пожари на повеќе локации во централниот дел на Израел и Појасот Газа. 

Досега полицијата евакуирала стотици луѓе.

Поради пожарите кои се шират, а предизвикани од екстремно топлиот бран, сообраќајот е прекинат и на главниот автопат кој го поврзува Тел Авив со Ерусалим, пренесуваат тамошните медиуми.

Израелскиот премиер, Бенџамин Нетанјаху, побарал Министерството за надворешни работи и Министерството за јавна безбездност да се испратат авиони од странство за да помогнат во борба со пожарите.

Причините за пожарите не се познати во целост, но извесно е дека на границата со Појасот Газа се шират неколку пожари поради запаливи балони испратени од палестинските милитанти.