Израел истражува осомничени војници за сексуална злоупотреба на палестински затвореник и е посветен на почитување на меѓународните правни стандарди во однос на третманот на затворениците, соопшти денеска израелското Министерство за надворешни работи.

Во соопштението се вели дека Израел останува непоколеблив во својата посветеност на владеењето на правото и хуманиот третман на сите затвореници и дека сите наводи за насилство од кој било вид ќе бидат методично истражени од израелските власти, објави Ројтерс.

Специјалниот известувач на Обединетите нации за тортура Алис Џил Едвардс во петокот ја осуди сексуалната злоупотреба на палестински затвореник од страна на израелски војници, нагласувајќи дека сторителите мора да одговараат.

Израелската војска во вторникот соопшти дека обвинителите побарале куќниот притвор на војниците обвинети за злоупотреба на палестински затвореник да биде продолжен до следниот четврток.

Израелските медиуми објавија дека војниците се обвинети за сексуална злоупотреба на членови на елитната единица на Хамас во затвор во пустината Негев во јужен Израел.

Обединетите нации соопштија дека добиле повеќе извештаи за наводно мачење на Палестинците приведени во Израел од 7 октомври, кога милитантите на Хамас убија 1.400 луѓе во јужен Израел.