Израел денеска го забрани пристапот до џамијата Ал-акса во Ерусалим, едно од најсветите места за муслиманите. Ваквиот потег бил донесен заради тензиите што избувнаа по напад врз еден еврејски активист. Ова е првпат од 2000 година Израел да го забрани пристапот до џамијата, а од утре се најавува дека влезот повторно ќе биде дозволен. Израелската полиција наведува дека мажите постари од 50 години и жените на сите возрасти ќе можат да присуствуваат на молитвите. Но палестинските власти потегот го толкуваат како „објава на војна“. Местото е свето и за Евреите, но и за муслиманите - тоа е најсвето место во јудаизмот и трето најсвето во исламот.