Израел планира  во 2014 година да започне изградба на соларна централа , која ќе стане петта најголема од ваков вид во светот , објави Mashable . Идејата е дел од големата визија на Тел Авив за изградба на три структури од сличен тип , кои ќе ја ограничат зависноста на земјата од фосилните горива . Вредна 1,1 милијарди долари, соларната централа ќе биде во состојба да генерира 121 мегавати електрична енергија , кога ќе биде завршена во 2016 година. Според експертите оваа енергија е доволна за да снабди 40 000 станови. Според информации на Inhabitat трите соларни електроцентрали , кои планира да ги изгради Израел ќе додаде вкупно 250 мегавати во енергетскиот сектор на земјата. Тоа преставува околу 2,5 % од целокупната потрошувачка на оваа земја. Проектот ќе придонесе и за планот на Тел Авив да генерира 10 % од енергијата од обновливи извори до 2020 година. Изградбата на централата ќе биде реализирана од две странски компании - американската Brightsource и француската Alstom . Brightsource веќе има искуство во областа на соларната енергија ,а  како најголем проект на компанијата е Ivanpah - објект сместен  во калифорниската пустина.