Израел ги повлече своите дипломати од Турција за да ги „преиспита врските“ меѓу двете земји, по критиките на турскиот претседател Реџеп Таип Ердоган за војната во Газа, објави денеска израелскиот министер за надворешни работи. 

„Со оглед на острите изјави кои доаѓаат од Турција, наредив отповикување на дипломатските претставници за да ги разгледаат односите меѓу Израел и Турција“, напиша Ели Коен на социјалната мрежа Х (поранешен Твитер).

Турскиот претседател Ердоган денеска го обвини Западот дека е „главниот виновник за масакрот во Газа“, а го обвини Израел за воени злосторства. „Израел, пред целиот свет те прогласуваме за воен злосторник“, рече тој. „Израел, вие сте окупаторите, освојувачите. Секако дека секоја земја има право да се брани, но каде е правдата? Тоа што се случува во Газа не е самоодбрана, туку колење“, додаде турскиот претседател.

Со малку попомирувачки тон, тој ги повика Израелците да не го „омаловажуваат чувството на сочувство меѓу Турците“. „Слушајте ги нашите повици за дијалог, преземете чекор во вистинската насока за доброто на вас и вашите деца. Веруваме дека нема да има губитници во праведен мир.