Ветрови со јачина од 130 километри на час би можеле да ја погодат Ирска. 

Издадено е црвено предупредување, објави Националната метеоролошка служба.

Ураганот Офелија преку Атлантскиот Oкеан се движи кон Европа. 

Британската метеоролошка служба предупредува на силни ветрови во Северна Ирска, Шкотска и на југот на Англија.

Прва на удар ќе биде Ирска на почетокот на следната недела, соопштија метеоролозите.

Силни и потенцијално разорни ветрови може да предизвикаат поплави, зголемено ниво на морето и оштетување на инфраструктурата, стои во предупредувањето.

Ураганот Офелија е прв ураган што ќе го погоди европското подрачје по 1961 година и е десетти силен ураган кој оваа година се разви на Атлантикот.

Стручњаците велат дека ураганот најверојатно ќе ослаби в понеделник и во вторник.