Портпаролката на руското Министерство за надворешни работи, Марија Захарова нема фаворит на изборите во САД. 

Според неа, на Русија не ѝ е грижа како ќе завршат претседателските избори во САД бидејќи постои консензус за конфронтација со Москва.

„На Москва, генерално, не ѝ е грижа како ќе завршат овие избори, имајќи предвид дека во САД е формиран двопартиски консензус кој се однесува на конфронтацијата со нашата земја“, изјави Захарова.

Покрај тоа, таа додаде дека Москва ќе биде подготвена да ги разгледа предлозите на Вашингтон.

„Доколку нешто се промени во американската политика и има предлози упатени до нас, ќе бидеме подготвени да ги проучуваме во согласност со руските интереси“, вели Захарова.

Портпаролката рече и дека Русија сака американскиот народ да ја надмине кризата на демократијата и поделеноста во општеството. Во трка за претседател на САД се екс претседателот Доналд Трамп и Камала Харис.