Италијанскиот монструм Валентино Талуто е осуден на 24 години затвор откако судот пресуди дека е виновен за намерно заразување на 30 жени со ХИВ. Талуто ги намамувал своите жртви преку интернет за да имаат незаштитен секс како би можел да им го пренесе опасниот вирус за кој нема лек.

„Ова е наша мала победа. Правдата е задоволена. Сега сме обединети од среќа и можеме да продолжиме со животот“, истакна една од жртвите на секс монструмот.

Талуто кога му беше соопштена казната од 24 години затвор немаше никаква реакција. Некои од неговите жртви го имаат пренесено вирусот на нивни партнери. Најмладата девојка на Талуто имала само 14 години кога ја започнале врската.